jamita partangiangan Minggu Estomihi
2 Maret 2014
turpuk: 2 Musa 14:12-18
Bangso na tardok jogal rungkung (tegar tengkuk) ido na niuluhon si Musa hombar tu parsuruon ni Debata haruar sian tano parhatobanan di Misir tu tano na pinarbagabagahon tu nasida. Maragam do tantangan na niadopan ibana di na manguluhon bangso i haruar sian Misir lumobi sian si Parao rap dohot angka paranganna naso paluahon bangso i borhat tu tano na pinarbagahon Debata (banyak hal-hal yang datang dari kekuatan negatife 'firaun-firaun' masa kini untuk
menunda bahkan berusaha menggagalkan rencana Allah/kekuatan sijahat yang selalu mempengaruhi hidup manusia agar jauh/meninggalkan jalan atau keinginan Allah). Alai di tongatonga ni angka hambatan na masa i disi do tarida huaso dohot Hadirion Debata nampunahon bangso Israel, dipatuduhon Ibana do huasoNa maminsang dohot paluahon bangso i, laos ihut tusi tarida do tutu na Ibana nampunahon jala mangaturhon saluhutna angkupni na dipinsang si parao jala dipalua bangso i, dohot do tong ibana mangatur 'skenario' pardalanan bangso i haruar sian tano Misir marhite na mamangke parao rap dohot angka paranganna mangambati bangso i malua sian parhatobanan Misir (ay.17). Asa disi do naeng idaon ni Debata parsigantungan ni bangso i jala pataridahon Debata ma HadirionNa songon Tuhan na tuk jala marhuaso paluahon/marporang humonghop nasida.
Ditongatonga ni pardalanan nasida, ragam do tong angka parungkilon (dilele jala dilumba Si Parao bangso i), tantangan na niadopan ni bangso i tubu ma BIAR ni roha di nasida, lumobi ma si Musa na manguluhon nasida. MARUNGUTUNGUT ma bangso i dompak si Musa jala ditangihon Debata do ungutungut nasida. Pola didok tu si Musa dibagasan ungutungutna:..'umbahen naso adong ma ra tanoman di Misir ditogihon ho hami mate dihalongonan..?, nda hudok hami hia di Misir songonon:.....'(ay.11dht 12).
Dibagasan situasi na mansai maol jala borat na nadopan ni si Musa pola marpanghorhon hagaleon dohot roha na ganggu laho manguluhon bangso i (bahkan mungkin menghadapi depresi berat.ay 15) alai dang dipasombu Debata alai dipapos do roha ni ibana paboa na donganan ni Debata nasida gariada dibagabagahon paboa Debata do na langsung bertindak manjaga sahat tu na 'marporang' humonghop nasida asal ma POS ROHA ni bangso i tu Debata jala marsigantung tu Ibana (ay.14-16) na marhuaso Debata paluahon jala palaoho biar ni roha molo hot jala manongtong haporseaon nasida nang parsombaonna holan tu Debata dungi ramotanni Ibana ma na hinaholonganNa di ganup sidalanana asal ma hot haporseaonta jala manongtong hita "manghindat tanganta" (martangiang/marsigantung jala marhaporseaon) tu Debata(ay.17).
Dibagasan pardalanan ni ngolunta (pat.pardalanan ni bangso i di parhorsihan) jotjot jumpangnta angka hamaolon nang elaela na boi mambahen hita gabe tarunjun nang dohot marhagaleon pola maol manggulmit gabe mamboan hita tu roha na gale,lomos, biahathon, pangarimason nang sahat tu na marungutungut mangunjuni Debata taringot tu hadirion dohot huasoNa. Sude na masa i 'diloas' Debata do masa jala jumpangnta di ngolunta BOASA..? asa marhite i Tarida jala DITANDA angka bangsoNa (umat pilihan Allah) Huaso dohot GogoNa songon Jahowa Ibana maradophon angka na niasianna.(ay.18)
Asal Pos Rohanta jala Marhaporseaon na togu tu Debata mambahen hita margogo jala HEHE laho mangida nang manghantindaghon hagogoon dohot halongangan na binahenna tu hita.Amen
Diskusi:
Dia ma na jotjot mambahen lomos rohanta jala mabiar..?
Molo tasagi adong do dua hal na mambahen tubu biar ni roha ima:
- na ro sian bagasan roha, angka dia ma i?
- na ro sian duru ni hadirionta, angka dia ma i?
0 komentar :
Posting Komentar